Shqipëria nuk ishte në gjendje të merrte fitore në dy ndeshjet e qershorit në kuadër të Botërorit 2026. Konkretisht barazimi 0-0 me Serbinë dhe 1-1 kundër Letonisë. Pikërisht mungesa e fitoreve është reflektuar edhe në pozicionimin e fundit të publikuar nga FIFA.
Tashmë, Shqipëria ka rënë me dy vende, nga 66-të në të 68-të. Është fakt se pas kualifikimit për në Kampionatin Europian të mbajtur verën e kaluar, kuqezinjtë e kanë ulur “stekën” e rezultateve. Në “timonin” e Sylvinhos, pozicioni më i mirë i Brojës me shokë përkoi me shkallën e 59-të.
Shqipëria do të zbresë sërish në fushën e blertë në datën 9 shtator, kundër Letonisë, në stadiumin “Air Albania”. Ndërsa më pas do vijojë me duelet karshi Serbisë në transfertë, po ashtu dhe kundër Andorrës dhe e mbyll duke pritur Anglinë në Tiranë.
The post Ndikon barazimi në Letoni, Kombëtarja shqiptare bie në renditjen e FIFA-s appeared first on GazetaBlic.
