Pjesëmarrja e Real Madridit në Kupën e Botës për Klube përfundoi me një humbje të dhimbshme 4-0 ndaj PSG-së në gjysmëfinale.
Një goditje shkatërruese, si sportive ashtu edhe emocionale, që tronditi Los Blancos dhe nxori në pah se sa shumë punë duhet të bëjnë madrilenët për të konkurruar në kushte të barabarta me kampionët në fuqi të Europës.
Ndër emrat që kanë rënë në qendër të vëmendjes, negativisht, është Vinicius Junior. Në gjashtë ndeshje të Kupës së Botës për Klube, numri 7 i Real Madridit ka regjistruar vetëm një asist dhe një gol.
Kundër Paris Saint-Germain, ai u zëvendësua në minutën e 63-të nga Brahim Díaz, por nuk është vetëm performanca e tij në fushë që po shkakton shqetësim. Mes polemikave, debati mbi të ardhmen e tij është rishfaqur me forcë.
Sipas Cadena COPE, marrëveshja e rinovimit nuk është nënshkruar ende dhe se negociatat nuk po përparojnë aq mirë sa përfliteshin më parë.
Burime pranë Vinicius sigurojnë se lojtari nuk do të ndihej rehat duke luajtur në krahun e djathtë, një pozicion ku Xabi Alonso e aktivizoi kundër PSG-së, përkrah Mbappe dhe Gonzalo.
Të gjitha këto shenja sugjerojnë se Real Madridi mund të përballet me një telenovelë të vërtetë me talentin brazilian, me hijen e interesit nga klubet e Arabisë Saudite në sfond.
The post Vinicius i pakënaqur me vendimin e Xabi Alonso-s, bllokon negociatat për rinovimin appeared first on Telesport.
