Ndodhi e paimagjinueshmja dhe befasia që do të mbetet në kujtesën e tifozëve madrilenë për një kohë të gjatë, pasi Real Madrid është eliminuar nga Kupa e Mbretit nga skuadra e kategorisë së dytë qe po bie ne kategorinë e tretë, Albacete, pas një ndeshjeje dramatike që përfundoi 3-2 për vendasit. Lot nga vendasit mes emocioneve dhe mrekullisë, ashtu si edhe ne shkallët e stadiumit. Poshtërim për Real Madrid i cili sot u udhehoq nga trajneri i sapozgjedhur, Arbeloa, qe mori vendin e te shkarkuarit Xabi Alonso pas Superkupes se Spanjes, te humbur njesoj 3-2 ndaj Barcelones.
VIDEO: FESTA E VENDASVE DHE ZHGENJIMI MADRILEN
Albacete surprizoi që në fillim, duke kaluar në avantazh në minutën e 42’, kur Javi Villar shfrytëzoi një goditje nga këndi dhe e dërgoi topin me kokë në qoshen e sipërme të portës, duke e bërë rezultatin 1-0.
Real Madrid reagoi menjëherë në minutën e 45+3’, me Franco Mastantuono që barazoi, duke e çuar rezultatin në 1-1 në pushim. Albacete u rikthye në avantazh në minutën e 82’, kur Jefte Betancor finalizoi një rifutje në këndin e sipërm të majtë, duke sjellë rezultatin në 2-1.
Real Madrid tentoi të barazonte përsëri me golin e Gonzalo Garcia në minutën e 90+1, por surpriza e vërtetë ndodhi në minutën e fundit shtesë.
GOLI I FITORES NGA ALBACETE – VIDEO
Zhvillohej minuta e 94’, kur sërish Jefte Betancor shfrytëzoi huti në mbrojtjen mbretërore dhe shënoi golin vendimtar për 3-2, duke vulosur eliminimin e “Los Blancos” nga Kupa.
Ky eliminim për Real Madrid është një lajm i rëndë, dy ditë pasi shkarkuan trajnerin Xabi Alonso, ndërsa në vend të tij erdhi Alvaro Arbeloa.
The post (VIDEO) Skena surreale në Estadio Carlos Belmonte: ekipi i kategorisë së dytë nuk u beson syve, shpërthejnë në lot lojtarë e tifozë. Arbeloa duket i shtangur appeared first on Telesport.
