Víctor Font, kandidat për zgjedhjet e Barcelonës, deklaroi në emisionin “El Larguero” se marrëdhënia me Messin duhet të ishte prioritet që kur ai u largua: “Është e pafalshme që kemi prishur marrëdhëniet me Leo dhe jo me Real Madridin”.
Font foli edhe për Xavi Hernández, i cili mbështet sërish kandidaturën e tij, duke kërkuar ndryshim modeli dhe modernizim të klubit: “Xavi është i zhgënjyer nga drejtuesit aktualë dhe kërkon që klubi të mos udhëhiqet kaq personalisht”.
Nëse fiton zgjedhjet, Font premtoi ulje çmimesh për abonimet e anëtarëve dhe një shpërblim për besnikërinë: “Duam stadium plot me anëtarë, duke i vendosur ata përpara turistëve”.
Për marrëdhëniet me Real Madridin, Font tha: “Derisa RMTV ndikon në arbitrimet e ndeshjeve, kjo nuk do të ndryshojë. Arbitrat gjithmonë favorizojnë Realin. E thonë faktet: Real Madridi ka marrë 16 penallti në 23 javë kampionati. Nuk ka kuptim t’i mashtrosh anëtarët e Barcelonës me populizëm”.
The post Víctor Font: E pafalshme, kemi prishur marrëdhëniet me Messin dhe jo Real Madridin appeared first on Telesport.
