Komisioni Qendror i Zgjedhjeve, ka publikuar ditë më parë shpenzimet tremujore të subjekteve politike të përfaqësuara në Kuvend. Këto shpenzime përfshijnë periudhën Janar-Mars 2025.
Me vota dolën të parët, e as me shpenzime nuk ua kalon kush.
Lëvizja Vetëvendosje, në 3 muajt e parë të vitit ku hynë fushata e zgjedhjet, harxhuan më tepër se 1 milion e 700 mijë euro.
Mes tjerash në raportin e publikuar nga Komisionin Qendror i Zgjedhjeve del se u shpenzua goxha edhe për informim publik, afro 473 mijë euro.
Nga 1 janari deri më 31 mars, për këtë parti dhanë donacion para mbi 32 mijë euro. Mes emrave figuron zv/kryeministri në detyrë, Besnik Bislimi, me 300 euro.
-
Pagat: 271,877.52 euro
-
Mallëra dhe shërbime: 1,446,042.59 euro
-
Shpenzimet e udhëtimit: 27,475.68 euro
-
Shpenzimet e udhëtimit brenda vendit: 27,475.68 euro
-
Shërbime të telekomunikimit: 18,067.01 euro
-
Mobilje dhe paisje tjera: 8,749.80 euro
-
Blerje të mallrave: 604,135.00 euro
-
Lëndë djegëse: 111,278.02 euro
-
Qiraja: 122,380.00 euro
-
Shpenzime të marketingut: 472,986.00 euro
-
Të tjera shpenzime: Shuma të tjera të cilat nuk janë specifikuar në detaje.
Shumë më pak se këta që deri tash qenë në pushtet, shpenzoi subjekti i dytë në periudhën e njëjtë. Partia Demokratike e Kosovës, i harxhoi mbi 360 mijë euro.
Tjerët nuk kursyen për subjektin që në disa raste ia dhanë edhe afër 10 mijë, e që për 3 muaj krejt u mblodhën më tepër se 182 mijë euro.
Si u rëndit në vota, Lidhja Demokratike vend mori edhe në shpenzime që arritën në pak më shumë se 155 mijë. Nga lideri, Lumir Abdixhiku, e deputet, e jo vetëm, partisë iu dhanë më shumë se 73 mijë euro.
Aleanca për Ardhmërinë e Kosovës në 3 muaj harxhoi mbi 67 mijë euro, e pranoi donacion më shumë se 23 mijë.
Shifra marramendëse| Vetëvendosje shpenzoi mbi 1.7 milion euro në tre muajt e parë të këtij viti
