Ish-mbrojtësi i Manchester United dhe Francës, Patrice Evra, beson se “Djajtë e Kuq” duhet të bëjnë gjithçka është e mundur për të marrë Victor Osimhen, duke parë se Benjamin Sesko është i vetmi numër 9 i pastër që kanë në ekip.
Duke folur për GOAL, Evra tha për atë që Djajtë e Kuq kanë nevojë para se të mbyllet merkato: “Një sulmues, dikush që shënon gola. Mendoj se kjo është ajo që po shoh. Kjo është arsyeja pse për mua, Osimhen është më i miri. Ai është një shembull i përsosur.
“Do të na mungojë Casemiro, por unë besoj te Andrey Santos dhe ajo që pashë në fazën përgatitore, ai mund të bëjë diçka të mirë atje. Dhe Bruno Fernandes, ai është ende Bruno. Patrick Dorgu dhe Bryan Mbeumo po luajnë, ne kemi Amad Diallo. Pra, kemi diçka në sulm.
“Në mbrojtje, ata mund të kenë nevojë të gjejnë një alternativë të mirë të mbrojtësit të majtë. Ndoshta një tjetër qendërmbrojtës. Harry Maguire, për mua, po bën punën e tij dhe e dini, ai është kritikuar shumë, por ai tregon qëndrueshmëri. Mendoj se ndoshta duhet të gjejmë një mbrojtës të djathtë të mirë, një mbrojtës të djathtë të mirë sulmues dhe mbrojtës”.
