Ministri i Mbrojtjes së Shqipërisë, Pirro Vengu, ka thënë se 16-vjetori i anëtarësimit të Shqipërisë në NATO, e gjeti vendin më të fortë, më të angazhuar dhe më të përkushtuar për sigurinë kombëtare dhe rajonale.
Vengu tha se për herë të parë, mbrojtja dhe siguria nuk kanë më mungesë investimet në kapital njerëzor, infrastrukturë apo në fuqi zjarri.
“Sfida jonë është t’i përdorim burimet financiare në rritje me zgjuarsi dhe qëndrueshmëri, duke zhvilluar industrinë ushtarake dhe ekonominë vendase”, shkroi ai.
Më tej, Vengu u shpreh mirënjohës ndaj çdo efektivi të Forcave të Armatosura, familjeve të tyre dhe çdo hallke të zinxhirit komandues që punon për Shqipërinë.
