Kampioni botëror i boksit në peshat e rënda, Oleksandr Usyk njoftoi se planifikon të zhvillojë edhe dy ndeshje të tjera përpara se të pensionohet.
Boksieri 38-vjeçar ukrainas, i pamposhtur në 23 meçe, tha se një nga meçet do të jetë kundër fituesit të përplasjes mes britanikut Daniel Dubois dhe zelandezit të ri Joseph Parker, të planifikuar për 22 shkurt në Riad.
Usyk, i cili mundi dy herë britanikun e pamposhtur më parë Tyson Furyn në maj dhe dhjetor 2024, u bë kampioni i parë absolut i peshave të rënda në pothuajse 25 vjet vitin e kaluar, duke mbajtur rripat WBC, WBA dhe WBO.
“Mendoj se kam edhe një vit e gjysmë, ndoshta dy vite në boks”, deklaroi kampioni olimpik i Londrës 2012 për Sky Sports.
“Ndihem mirë, por po përgatitem vetëm për dy meç, jo më shumë”, shtoi ai.
Dubois, titullari aktual i IBF, ka humbur tashmë nga Usyk në 2023 dhe do të kishte një shans për t’u hakmarrë nëse mund të mposht Parkerin.
