Të shtunën, me 5 prill, komuna e Ulqinit organizon protestë kundër dhënies me qira dhe privatizimit të pronave bregdetare.
Nën thirrjen “Ulqini nuk është për shitje”, protesta e organizuar nga komuna, fillon në ora 12:00 në Ranë, te Plazhi i Vogël, shkruan Demokracia.com
Protesta organizohet si reagim ndaj tentativës për dhënien me qira dhe privatizimin e hapësirave publike bregdetare, përfshirë Plazhin e Madh – një pasuri e përbashkët dhe simbol identitar i Ulqinit dhe banorëve të tij.
Në këtë protestë do të marrin pjesë:
• Përfaqësues të të gjitha partive politike në kuvendin e Komunës,
• Shoqëria civile nga mbarë trevat.
• Qytetarë të shumtë, të bashkuar në mbrojtje të pronës publike dhe së ardhmes së qytetit.
Për shkak të situatës së krijuar, është anuluar festimi zyrtar i Ditës së Ulqinit.
Mbledhja solemne e Kuvendit Komunal do të mbahet para qytetarëve, në kuadër të protestës./Demokracia.com/
