Në prag të Kupës së Botës 2026, presidenti i FIFA-s, Gianni Infantino, ndërpreu për pak kohë axhendën e tij për të komunikuar me tifozët në rrjetet sociale. Një përdorues në Instagram e pyeti: “Cili është goli yt i preferuar në të gjitha Kupat e Botës?”
Infantino nuk hezitoi; zgjodhi golin e dytë të Diego Maradonës ndaj Anglisë në çerekfinalen e “Meksikë 1986”, të shoqëruar me komentimin historik të Víctor Hugo Morales.
“Goli i dytë i Maradonës ndaj Anglisë. Nuk mund të shënohej një gol më i bukur”, – tha Infantino, duke u dorëzuar ndaj mjeshtërisë së “Pelusa” në fitoren 2-1 të Argjentinës, në “Estadio Azteca”. Ai theksoi gjithashtu magjinë e atij driblimi prej 52 metrash: “Disa gola janë thjesht të paharrueshëm. Një moment gjenialiteti, kreativiteti dhe guximi që tregon thelbin e futbollit. Një gol që nuk mund të ishte më i bukur”.
The post U shënua në “Meksikë 1986”, Infantino zgjedh golin më të bukur në historinë e Kupave të Botës appeared first on Telesport.
