Presidenti i SHBA-së, Donald Trump, ishte kritik të mërkurën ndaj liderit ukrainas Volodymyr Zelensky pasi tha se Ukraina nuk do ta njihte pushtimin rus të Krimesë, të cilën ai e quajti një deklaratë nxitëse që do ta bëjë më të vështirë arritjen e një marrëveshjeje paqeje me Rusinë.
“Kjo deklaratë është shumë e dëmshme për negociatat e paqes me Rusinë”, tha Trump në një postim në rrjetet sociale.
Ai tha se Krimea ishte e humbur vite më parë “dhe nuk është as një pikë diskutimi”.
Zelenskiy përsëriti të martën se Ukraina nuk do ta njohë okupimin rus të Krimesë. “Nuk ka asgjë për të folur këtu. Kjo është në kundërshtim me kushtetutën tonë.”
“Askush nuk po i kërkon Zelenskyt që të njohë Krimenë si territor rus, por nëse ai e do Krimenë, pse nuk luftuan për të njëmbëdhjetë vjet më parë kur iu dorëzua Rusisë pa gjuajtur asnjë të shtënë?”, shkroi Trump shkroi në Truth Social.
Trump qortoi liderin ukrainas dhe tha se ai po përpiqej të ndalonte vrasjen në vendin e tij dhe se ata ishin “shumë afër një marrëveshjeje” për t’i dhënë fund luftës.
