Treni godet një veturë në Ferizaj

Treni ka goditur një veturë në Ferizaj sonte rreth orës 20:00, tek rruga që dërgon për në qytetin e Gjilanit.

Rastin e ka konfirmuar edhe Policia e Kosovës.

“Aksidenti ka ndodhur në rrugën që të dërgon për Gjilan, persona të lënduar nuk ka, ka vetëm dëme materiale. Njësitet e policisë me të dëgjuar për rastin kanë dalë menjëherë në vendin e ngjarjes”, ka bërë të ditur për IndeksOnline, Kanun Veseli nga zyra për media në Drejtorinë Rajonale të Policisë në Ferizaj.

Ai ka thënë se përveç dëmeve materiale, nuk ka pasur persona të lënduar.

Në prag të ditës së zgjedhjeve për rundin e dytë në Prizren, Lidhja Demokratike e Kosovës ka bërë thirrje për mobilizim të plotë të strukturave dhe mbështetësve të saj, në përkrahje të kandidatit për kryetar të Prizrenit, Shaqir Totaj, në kuadër të marrëveshjes së bashkëqeverisjes LDK–PDK. “Nesër është dita vendimtare për ta dëshmuar angazhimin tonë në kuadër të marrëveshjes së bashkëqeverisjes LDK–PDK, dhe për ta mbështetur z. Totaj për kryetar të Prizrenit,” thuhet në njoftimin e LDK-së. Subjekti ka kërkuar nga të gjitha strukturat që të jenë të pranishme dhe aktive gjatë gjithë ditës së zgjedhjeve. “Ju lusim që gjatë ditës së nesërme të aktivizoheni maksimalisht, të kontaktoni kryesitë e nëndegëve dhe përkrahësit tanë, dhe të sigurohemi që çdo votë e jona të jetë e pranishme dhe e numëruar,” theksohet në njoftim. Në fund, LDK ka përcjellë një mesazh të qartë për unitet dhe bashkëpunim: “Ky është momenti për angazhim dhe për fitore të përbashkët. Fitore✌️”

November 8, 2025