Pasi Presidenti amerikan njoftoi se platforma do të ndalohej, TikTok reagon: “Ne nuk do të shkojmë askund”.
Ndalimi i platformës më popullore për video TikTok, i paralajmëruar fillimisht nga Trump për të shtunën, fillimisht nuk u zbatua.
Presidenti tani dëshiron ta mbyllë të dielën ose të hënën, thuhet nga zyra e presidentit, transmeton Telegrafi.
Por këtij kërcënimi i ka reaguar menjëherë vetë TikTok-u: “Ne nuk kemi në plan të shkojmë askund”, tha menaxherja e Përgjithshëm e Tiktok-ut për SHBA-të, Vanessa Pappas, në një mesazh të botuar në aplikacion.
Unioni Amerikan i Lirive Civile kritikoi ndalimin e TikTok-ut: “Ndalimi i një aplikacioni si TikTok që miliona amerikanë përdorin për të komunikuar është një rrezik i fjalës së lirë dhe është teknologjikisht i padobishëm”, shkroi organizata në Twitter.
Për të adresuar shqetësimet, Kongresi i SHBA-së duhet të sigurojë që çdo kompani që ofron shërbime për qytetarët e SHBA-së nuk do t’ua zbulojë informacion për përdoruesit e tyre.
Në këtë rast, duket veçanërisht problematike që presidenti i SHBA-së gjithashtu ka një arsye personale për të ndërmarrë veprime kundër TikTok.
