Jo vetëm transferimin e emrave të njohur dhe me përvojë, por edhe ndjekjen e talenteve të reja. Kjo është strategjia që po ndjekin dy klubet e mëdha të Spanjës, Real Madrid dhe Barcelona.
Mediat spanjolle raportojnë se dy klubet gjigante janë vënë pas Jeremy Monga. 16-vjeçari luan me Leicester dhe në fundjavë me golin e shënuar në humbjen 2-1 ndaj Preston, theu rekordin e mëparshëm të Jude Bellingham, duke u bërë golashënuesi më i ri në historinë e Championship.
Plani i të dy klubeve është i qartë: të bindin përfaqësuesit e lojtarit sa më shpejt të jetë e mundur dhe t’i garantojnë atij një të ardhme në të cilën, nga mosha 18 vjeç, ai mund të transferohet në Spanjë.
Si Florentino Perez ashtu edhe Joan Laporta e dinë se nuk mund ta regjistrojnë zyrtarisht atë para kësaj moshe, për shkak të rregullave të rrepta të FIFA-s. Prandaj, ideja është të sigurohet një marrëveshje verbale ose edhe kontraktuale që do të hyjë në fuqi sapo ai të arrijë moshën madhore në futboll.
The post Thyeu rekordin e Bellingham në fundjavë, Real Madrid dhe Barcelona nisin garën për yllin e ri të Anglisë appeared first on Telesport.
