Pas fitores 2-0 të Interit ndaj Ajax në Champions, Marcus Thuram foli për dy golat e tij dhe polemikat e fundit: “Dy goditje këndi të ekzekutuara shumë mirë nga Calhanoglu. Kemi bërë një ndeshje të madhe pa pësuar gol, çka ishte objektivi, ndaj jemi të lumtur. Duhej të reagonim pas ndeshjes me Juventusin, morëm tri pikë, duhet të bëjmë sa më mirë për ta kaluar turin”.
Sulmuesi francez shtoi: “Nuk ka rëndësi kush shënon, e rëndësishme është që Interi të fitojë. Me Pio Espositon kemi marrëdhënie shumë të mirë, tani e njeh gjithë bota, është një djalë fantastik. Polemikat për buzëqeshjen me vëllanë tim pas Juve-Inter? Njerëzit mund ta interpretojnë si të duan, por e dinë që unë do të jap gjithmonë për Interin gjithçka”.
Nga ana e tij, Francesco Pio Esposito e vlerësoi shokun e skuadrës: “Marcus është një sulmues i nivelit botëror”.
The post Thuram: Polemikat pas Juves? Gjithmonë do të jap gjithçka për Interin appeared first on Telesport.
