Thierry Henry ka zgjedhur favoritin e tij për Topin e Artë 2025 dhe beson se ylli i Liverpoolit, Mohamed Salah do të humbasë çmimin e lakmuar nga shumë futbollistë.
Ylli i Liverpoolit është në muajt e fundit të kontratës së tij, por kjo nuk e ka penguar atë të ketë një nga sezonet më të mira të karrierës së tij në moshën 32-vjeçare.
Salah ka një kontribut të jashtëzakonshëm me 54 gola në të gjitha garat këtë sezon, teksa Reds marshojnë drejt titullit të Ligës Premier. Por lojtarët e Arne Slot nuk do të konkurrojnë për Ligën e Kampionëve në sezonin 2024/25, pasi Paris Saint-Germain i eliminoi ata në raundin e 16-të të martën.
Dhe legjenda e Arsenalit, Henry, beson se asi i Barcelonës, Raphinha – i cili ka 46 kontribute në gola deri më sot – mund ta fitojë atë çmim, pjesërisht për shkak se ekipi i tij është ende në kompeticionin më të famshëm të Evropës.
Ai tha për CBS Sports: “Raphinha është përpara për mua tani në garën për Topin e Artë, ai është përpara për shkak të asaj që po bën në Ligën e Kampionëve. Ai ka 11 gola”.
“Mo Salah është një pretendent i madh për të, Kane është një pretendent dhe Ousmane Dembele. Varet nëse luani në Ligën e Kampionëve, përveç fitimit të ligës tuaj. Raphinha është në shumë gola dhe me vetëm një penallti”.
Ikona e Francës, Henry, i dha përparësi edhe ish-anësorit të Leeds United, Raphinha, sepse numri i golave të tij nuk mbështetet shumë në goditjet e penalltisë.
Për shembull, Salah ka shënuar 11 herë nga pika e parë këtë sezon dhe sulmuesi i Bayern Munichut, Harry Kane, i cili ka 43 kontribute në gola këtë sezon, ka 13 penallti për emrin e tij.
Raphinha, nga ana tjetër, ka shënuar një gol nga pika e bardhë gjatë gjithë sezonit dhe për Henryn, kjo ka shumë rëndësi në debatin për Topin e Artë.
Ai shtoi: “Nuk po them që Kane dhe Salah nuk duhet të kenë penallti, Mo Salah po kalon një sezon në Ligën Premier që nuk do ta shohim më kurrë”.
“Unë po them që nëse një djalë ka pothuajse të njëjtën sasi golash sa keni shënuar ju, pa penallti, nuk do të them se është e keqe ajo që keni bërë – është e jashtëzakonshme – por ky djalë duhet të flas pak më shumë për të”.
“Raphinha, kur njerëzit flasin për të qenë i kompletuar si sulmues, ju duhet të dini se si të bëni presion dhe të mbroni dhe të ndihmoni mbrojtësin tuaj. Dhe ai i ka të gjitha”, potencoi më tej legjenda franceze
Kylian Mbappe i Real Madridit, Ousmane Dembele i PSG-së dhe më shumë, ka të ngjarë të jenë në garë për Topin e Artë të vitit 2025.
