Tetë persona janë lënduar si pasojë e një aksidenti mes dy automjeteve të ndodhur sot rreth orës 15:00 në rrugën Gjilan-Ferizaj, në fshatin Sojevë.
Lajmin për Klankosova.tv e ka konfirmuar zëdhënësi i Policisë për Rajonin e Ferizajt, Kanun Veseli, i cili tha se në vendin e ngjarjes kanë dalë dy autoambulanca, të cilat janë angazhuar në ofrimin e ndihmës së nevojshme për të lënduarit.
Si pasojë e aksidentit, Veseli tha se përveç dëmeve materiale në automjete, lëndime trupore kanë pësuar tetë persona.
“Në vendin e ngjarjes kanë dalë njësitë policore të trafikut, ekipet e zjarrfikësve dhe dy autoambulanca, të cilat janë angazhuar në ofrimin e ndihmës së nevojshme për të lënduarit. Hetimet lidhur me shkaqet dhe rrethanat e aksidentit janë në vijim”, theksoi Veseli.
