Pasi siguroi kualifikimin për në çerekfinalet e Kupës së Italisë, ekipi i Juventus tani është i përqendruar në ndeshjen e madhe të së dielës në mbrëmje kundër Napoli. Trajneri Luciano Spalletti po përballet me një emergjencë të plotë në mbrojte pas dëmtimit të Federico Gatti kundër Udinese.
Mbrojtësi mbërriti në J Medical me paterica këtë mëngjes për t’iu nënshtruar testeve e për të vlerësuar shkallën e dëmtimit të gjurit të tij të djathtë. Testet zbuluan një këputje në meniskun medial (i njëjti që pësoi edhe Bremer), që kërkon ndërhyrje kirurgjikale në ditët në vijim.
Gatti pritet të jetë jashtë për të paktën një muaj. Ai u lëndua ndërsa po shënonte Buksa në minutat e para të pjesës së dytë, duke tërhequr menjëherë vëmendjen e stafit mjekësor të Juventus.
Mungesa e tij i shtohet asaj të Bremer dhe Rugani, duke e lënë Spalletti me vetëm Kalulu, Kelly dhe Koopmeiners në dispozicion, së bashku me gjeneratën e ardhshme Pedro Felipe.
Viti 2025 përfundon këtu për Gatti. Kjo është një goditje e fortë për Juventus, i cili do të kalojë një dhjetor të vështirë: Napoli, Bologna, Roma dhe Pisa në Ligë, si dhe Pafos në Champions League. Të gjitha ndeshjet janë vendimtare për ambiciet e bardhezinjve.
The post Telashe pafund për Juventus, trajneri Spalletti humbet edhe mbrojtësin tjetër titullar për 2 muaj appeared first on Telesport.
