Lautaro Martinez ka dhënë së fundmi një intervistë për “France Football”, ku ka folur gjerë e gjatë për një numër të madh temash dhe çështjesh tek Inter dhe jo vetëm, duke përfshirë finalen e fundit të Champions League, largimin e Simone Inzaghi-t, nominimin për “Topin e Artë” etj…
Megjithatë, pati një gabim në transkriptim nga ana e medias franceze kur Lautaro po diskutonte humbjen në finalen e Champions-it ndaj PSG-së dhe largimin pasues të Inzaghi-t.
Lautaro u shpreh “Trajneri nuk na tha kurrë se kishte marrë një ofertë ose se po largohej. Kështu që ne ishim shumë larg të gjitha thashethemeve dhe u përqendruam në objektivin tonë”.
Në artikullin origjinal të botuar nga “France Football”, fjala “kurrë” ishte lënë jashtë aksidentalisht, duke përmbysur në mënyrë efektive kuptimin e asaj që Lautaro kishte thënë në të vërtetë.
Sipas asaj që raporton “Corriere dello Sport”, gabimi shkaktoi një frustrim të vërtetë në kampin zikaltër dhe zyra e shtypit të klubit thuhet se kërkoi një korrigjim urgjent. Vetë Lautaro po ashtu thuhet se kërkoi që citimi të ndryshohej.
The post Tek Inter “tërbohen” me intervistën e fundit të Lautaro Martinez, vetëm për një fjalë appeared first on Telesport.
