Transferimi i mesfushorit me tipare sulmues Bryan Mbuemo nga Brentford te Manchester United ka ngecur. Pak ditë më parë dukej se palët ishin shumë pranë marrëveshjes, por situate është ndërlikuar.
Sipas “The Guardian”, ndalesa ka ardhur pasi Brentford e rriti vlerësimin e lojtarit në afërsisht 70 milionë euro. Ndërsa “djajtë e kuq” kanë vendosur të mos paguajnë më shumë se 65 milionë euro.
Nga ana e tij, Mbeumo po anon drejt një transferimi në “Old Trafford” pavarësisht interesit edhe nga skuadra e Tottenham. Por, nëse United dëshiron të rrisë ofertën e tij për Mbeumo atëherë do të detyrohen të shesin ndonjë lojtar.
Pavarësisht problemeve, Mbeumo është paraqitur në seancat e para stërvitore të Brentford. Ai shkëlqeu sezonin e kaluar në Premier League, me 20 gola në 38 ndeshje në kampionat.
The post Te Manchester United të shqetësuar, ngec transferimi i yllit të Premier në “Old Trafford” appeared first on Telesport.
