Aleksandr Ceferin, presidenti i UEFA-s, i dorëzoi një çmim Zlatan Ibrahimovicit, këshilltarit të lartë të Milanit, para shortit të Champions League.
“Ishte një kënaqësi e madhe, e pranova këtë nder me shumë respekt. Faleminderit president Ceferin, kjo do të thotë që kam bërë diçka të rëndësishme gjatë karrierës sime, ndryshe nuk do ta kisha marrë këtë çmim, – deklaroi sulmuesi suedez. – Kam pasur fatin të luaj me futbollistë dhe klube të mëdhenj, më të mirët në botë. Pa to nuk do të isha ai që jam sot. Jam jashtëzakonisht mirënjohës dhe i lumtur”.
Për golin e tij më të preferuar në karrierë, Ibrahimovic shtoi: “Kam një top-10 të golave të mi, që nuk është keq. Kam shënuar shumë, por nëse do të zgjedh një, do të thoja atë kundër vendit tim të dytë, Italisë. Ai gol me Suedinë kundër Buffonit ishte shumë i bukur, pastaj ai kundër Anglisë”.
The post Të dy me kombëtaren, Ibrahimovic: Ju tregoj golat e mi më të bukur në karrierë appeared first on Telesport.
