E ardhmja e Mehdi Taremit vazhdon të jetë temë aktuale në shtëpinë zikaltër. Sulmuesi, i cili foli për disa gazetarë vendas, pas fitores 3-1 të kombëtares së tij kundër Afganistanit, ndeshje ku ai luajti vetëm disa minuta, shpjegoi realisht se si qëndron situata: “Kam një kontratë, për rrjedhojë mund të qëndroj edhe në Milano”.
Ish-lojtari i Portos më pas shtoi: “Gjithçka do të varet nga mënyra si do të evoluojnë disa situata. Me klubin ekziston një ndjenjë shumë e mirë, jemi çdo ditë në kontakt për të gjetur zgjidhjen më të mirë të mundshme për të gjitha palët e përfshira”.
Kur i vihet në dukje se ka afate të ngushta, ai përgjigjet kështu: “Shpresoj që gjithçka të përcaktohet shpejt, deri në fund të këtij turneu (‘AFA Nations Cup 2025’)”.
Pas shortit të fazës së ligës së Champions League, Giuseppe Marotta, presidenti i Interit, foli për një televizion turk, duke sqaruar se cila është ideja për të ardhmen e 33-vjeçarit iranian, që erdhi te zikaltrit verën e kaluar si lojtar i lirë: “Situata është e tillë që ai duhet të vendosë çfarë do të bëjë. Ne jemi në pritje të vendimit të tij”.
Me Interin, Taremi numëron 43 paraqitje dhe 3 gola, prej të cilëve vetëm një nga aksioni (në Superkupën e Italisë), ndërsa dy të tjerët kanë ardhur nga penalltia, një në Champions dhe një në Serie A.
The post Taremi: Kam kontratë, mund të qëndroj tek Interi. Do të varet nga disa situata appeared first on Telesport.
