Në faqet e “Corriere dello Sport”, drejtori Ivan Zazzaroni shkroi kështu për sezonin e ri të Serie A, që pritet të nisë së shpejti: “Mungojnë pak deri te Sassuolo-Napoli dhe Genoa-Lecce, ndeshjet e para të sezonit, dhe jemi në këtë gjendje. Si më parë, madje edhe më keq. Klubet tona vazhdojnë të kenë një orientim të fajshëm drejt huajve.
Edhe pse Atalanta dëshiron ta gjobisë Lookman, nuk di si t’ia komunikojë, pasi prej ditësh është i paarritshëm. Ademola kërkon që t’i respektohet fjala ose premtimi që i është dhënë, ndërsa Percassi kërkon respekt për klubin.
Ndërkohë, Interi flet për gjëra të tjera; ende nuk ka pista alternative për të mos e irrituar Lookman, i cili po bën shumë për fanellën zikaltër. Sucic dhe Luis Henrique kanë detyrën t’iu kujtojnë tifozëve se janë të rinj dhe të fortë. Calhanoglu është pajtuar me Lautaron, ndoshta edhe me veten”.
Për Milanin e ri të Massimiliano Allegrit, Zazzaroni shpjegon: “Milani më në fund ka blerë Jasharin dhe Estupiñanin, duke zbuluar se Allegri e adhuron Bartesaghin. Igli Tare ka operativitet (fushë veprimi) të kushtëzuar.
Para se të mbyllë një marrëveshje transferimi duhet të diskutojë, në një kaos, me Furlani, Moncada, Trimboli ose Busardo (po bëj shaka, Paolo), Cardinale, Ibra, Allegri, Pellegatti dhe kalin e Pellegattit. Në tetor do t’i shtohet edhe Galliani, i kërkuar nga Cardinale përmes Briatores dhe Nathan Falco. Sidoqoftë, Adriano mbetet Adriano”.
The post “Tare ka vendimmarrje të kushtëzuar te Milani, duhet të veprojë mes kaosit të drejtuesve” appeared first on Telesport.
