Sydney Sweeney dhe Rina Lipa shkëlqyen me paraqitjen e tyre elegante teksa pozuan për fotografi në festën e rihapjes së dyqanit të Miu Miu në Londër, të enjten.
Aktorja 27-vjeçare tërhoqi vëmendjen me një paraqitje glamuroze, e veshur me një fustan të shkurtër sateni në ngjyrë rozë të çelët, të kombinuar me çorape gri deri mbi gju dhe taka elegante me majë të mprehtë në ngjyrë të zezë. Ajo kishte hedhur mbi supe një shall prej peliçe ngjyrë kafe, kishte vënë syze dielli të errëta dhe mbante me vete një çantë Miu Miu prej 2,700 euro.
Ndërkohë, Rina Lipa, motra e këngëtares së njohur Dua Lipa, 24 vjeç, u shfaq gjithashtu shumë elegante me një fund të shkurtër me ngjyrë të kuqe dhe një xhaketë të zezë me zinxhir. Ajo kishte veshur të njëjtat taka si Sydney dhe mbante një çantë të zezë Miu Miu me vlerë 2,300 euro.
Edhe Georgia May Jagger, 33 vjeç, zgjodhi një paraqitje joshëse me një fund të shkurtër të zi, të kombinuar me një këmishë të bardhë të freskët dhe një bust gri të veshur sipër saj.
Pixie Geldof, 34 vjeç, u duk pa mundim elegante me një fustan ngjyrë argjendi dhe dekolte të hapur, të shoqëruar me një xhaketë gri sportive për ta mbajtur ngrohtë.
Jenna Coleman, 39 vjeç, mahniti me një këmishë blu dhe një fund të shkurtër me motive të kuadratura, të kompletuara me taka ngjyrë vishnje dhe një çantë ngjyrë kafe.
Ndërkohë, Mia Regan, 22 vjeç, tregoi linjat e saj trupore me një fustan mini të zi transparent, ku veshjet e brendshme ishin dukshëm të ekspozuara.
