Cristiano Ronaldo, në moshën 40-vjeçare, vazhdon të mahnitë. Në ndeshjen e fundit me fanellën e Al Nassr, ai shënoi golin e tij të 954-t në karrierë, me një roveshiatë fantastike në minutat shtesë për fitoren 4-1 ndaj Al-Khaleej në “Saudi Pro League”. Ky gol të kujton atë të realizuar ndaj Juventusit në Champions League në prill 2018, kur luante për Real Madridin.
Ronaldo ka një histori të jashtëzakonshme me golat me roveshiatë; ai ka shënuar më parë edhe ndaj Ishujve Faroe më 2016, Polonisë më 2024, dhe Al-Khaleej në 2025, duke treguar aftësinë e pakrahasueshme teknike. Çdo gol i tillë është një shembull i shkathtësisë, koordinimit dhe forcës fizike që e bëjnë CR7 një prej futbollistëve më të mëdhenj të të gjitha kohërave.
Pavarësisht moshës, Ronaldo tregon se instinkti dhe teknika mbeten të jashtëzakonshme, duke shtuar një kapitull tjetër të paharrueshëm në karrierën e tij legjendare. Golat me roveshiatë të Ronaldos janë bërë ikonë të karrierës së tij, duke krijuar momentet më spektakolare për tifozët në gjithë botën.
The post Super golat me roveshiatë, ose vendosuni më mirë emrin e… Cristiano Ronaldos appeared first on Telesport.
