Pasi Departamenti i Shtetit njoftoi se më shumë se 80 për qind e programeve të USAID-it po mbylleshin përgjithmonë, stafi i organizatës mori porosi të reja.
Gjegjësisht, Ushtruesja e detyrës së Sekretarit Ekzekutiv Erica Y Carr dërgoi një e-mail duke falënderuar stafin për heqjen e kasafortave konfidenciale dhe dokumentacionin e stafit nga zyra e Uashingtonit.
Ajo gjithashtu u tha atyre që të takoheshin në oborrin e ndërtesës për një ngjarje njëditore ku duhej të digjnin dokumentet.
“Së pari, grisni sa më shumë dokumente të jetë e mundur dhe rezervoni qeset për djegie gjatë periudhës kur grirëset e letrës janë të disponueshme”, thuhet në e-mail.
Në mënyrë tipike, dokumentet e vendosura në thasë për djegie vulosen dhe më pas dërgohen në një vend të sigurt për djegie.
Në email thuhet gjithashtu se stafi duhet të shkruajë “SECRET” dhe “USAID (B/IO), që do të thotë Byroja ose Zyra e Pavarur, në çanta.
Sekretari amerikan i Shtetit Marco Rubio konfirmoi dy ditë më parë në llogarinë e tij në rrjetet sociale X se 83 për qind e kontratave të USAID-it, agjencisë amerikane të ndihmës së huaj, janë anuluar zyrtarisht.
“Pas një rishikimi gjashtëjavor, 83 për qind e programeve të USAID-it janë anuluar. Këto 5200 kontrata që tani janë anuluar shpenzuan miliarda dollarë në mënyra që nuk ishin në përputhje dhe ndonjëherë edhe kundërshtonin interesat kombëtare të Shteteve të Bashkuara”, tha Rubio.
