“Pushimi ndërkombëtar është koha e duhur, ka më pak stres dhe më shumë kohë. Unë jam plotësisht i disponueshëm për të dëgjuar se çfarë ka për të thënë klubi“. Është kjo deklarata e trajnerit të Juventus, Luciano Spalletti.
Gjithsesi, takimi i planifikuar për këtë javë midis trajnerit bardhezi dhe klubit në lidhje me rinovimin e kontratës së tij deri në qershor 2027, me një opsion për një vit tjetër, nuk do të jetë një formalitet.
Te Juventus kanë ide të qarta dhe mezi presin të nënshkruajnë. Ata kurrë nuk kanë pasur dyshime për të ardhmen e tyre me Spalletti dhe janë të kënaqur me të pavarësisht se si përfundon gara për një vend në Champions League. Për klubi nuk ka pasur dhe nuk ka kurrë një Plan B.
“Nuk shoh ndonjë trajner tjetër në stolin tonë vitin e ardhshëm“, tha Giorgio Chiellini, drejtori i Strategjisë së Futbollit të Juventus, disa javë më parë, duke përsëritur besimin e tij te Spalletti
Nga ana e tij, trajneri ka nevojë për përgjigje të qarta nga klubi: nuk ka probleme me pagat, por ai dëshiron ta ndajë plotësisht projektin me klubin dhe të marrë garanci për skuadrën që do të ketë në dispozicion.
Mësohet se Spalletti po kërkon autonomi në vendimet e tij në fushë, por edhe përforcime të synuara për transferime, lojtarë cilësorë që mund ta forcojnë skuadrën për të synuar menjëherë titullin kampion.
Spalletti dëshiron të ndajë çdo aspekt të operacioneve të përforcimit me menaxhmentin, nga portieri te sulmuesi. Natyrisht, pa lënë asnjë emër të madh të largohet, madje as pa u kualifikuar për Ligën e Kampionëve të sezonit të ardhshëm. Një takim është planifikuar gjithashtu këtë javë, midis të mërkurës dhe të enjtes.
The post Spalletti frenon rinovimin e kontratës me Juventus, trajneri kërkon garanci dhe autonomi në merkato appeared first on Telesport.
