Kompanisë së Elon Musk mund t’i besohet dërgimi i satelitëve sensitivë ushtarakë në forcat e armatosura amerikane.
Kompanitë amerikane SpaceX, të udhëhequra nga miliarderi Elon Musk dhe United Launch Alliance, një sipërmarrje e përbashkët midis Boeing dhe Lockheed Martin, pritet secila të fitojë një kontratë shumë miliardë dollarëshe nga Forca Hapësinore e SHBA-ve.
Bëhet fjalë për degën e Forcave të Armatosura të SHBA-ve të dedikuar për kryerjen e operacioneve ushtarake në hapësirë.
Kontrata mbulon lëshimin e disa prej satelitëve më sensitivë të Pentagon-it në vitet e ardhshme, sipas dy burimeve të njohura me vendimin.
Programi kryesor i Forcave Hapësinore të SHBA-ve për Nisjen Hapësinore të Sigurisë Kombëtare, i cili planifikon të japë afërsisht 50 misione përmes urdhrave shtesë deri në vitin 2029, pritet të shpallë zgjedhjen e tij të premten, me SpaceX dhe United Launch Alliance midis fituesve, thanë burime të njohura me çështjen për Reuters.
