Më 31 gusht 1971 lindi një prej figurave më të shquara të çështjes kombëtare shqiptare, ideologu dhe veprimtari Bahri Fazliu, i cili më vonë do të bëhej një nga emrat më të respektuar të rezistencës shqiptare kundër okupimit serb.
Bahriu ra heroikisht në altarin e lirisë më 7 maj 1998 në Bjeshkët e Bogiqes, në trekëndëshin kufitar mes Shqipërisë, Kosovës dhe Malit të Zi, duke u përjetësuar si Hero i Kombit.
Ai është gjithashtu vëllai i heroit Fahri Fazliu, i cili më 2 nëntor 1989 bashkë me Afrim Zhitinë ranë në betejë me forcat serbe në lagjen “Bregu i Diellit” në Prishtinë, transemton Fokusi.info.
Në përvjetorin e lindjes së tij, më 31 gusht 2025, Organizata e Veteranëve të Luftës së UÇK-së – dega në Deçan, ka njoftuar se do të mbahen homazhe për nder të figurës dhe sakrificës së Bahri Fazliut.
Homazhet do të mbahen në Qafë Bogiqe – trekëndëshi kufitar Shqipëri–Kosovë–Mal i Zi, duke filluar nga ora 11:00.
“Pjesëmarrja juaj nderon gjakun e Dëshmorëve të Kombit dhe luftën e drejtë të UÇK-së”, thuhet në njoftimin e OVL-UÇK-së, dega në Deçan.
Bahri Fazliu mbetet një simbol i vendosmërisë, guximit dhe idealit për bashkimin kombëtar. Veprimtaria dhe sakrifica e tij vazhdojnë të frymëzojnë breza të tërë.
