“Në javët e ardhshme, do të takohem me drejtuesit e Inter për të diskutuar të ardhmen“. është ky mesazhi që dha sot portieri i Inter, Yann Sommer, për televizionet zvicerane.
Kontrata e portierit me klubin zikaltër skadon në qershor dhe thuhet se drejtuesit kanë filluar tashmë kërkimin për zëvendësuesin e tij. Emri kryesor është Guglielmo Vicario, që luan në Premier League me Tottenham.
Janë të pakta gjasat që Sommer të vazhdojë të qëndrojë tek Inter, ndaj divorci është i pashmangshëm. Për këtë gjë ka kohë që përflitet.
Një tjetër emër i përmendur për portën e Inter është ai i Elia Caprile, që luan me Cagliari.
Madje ditët e fundit është folur edhe për një takim midis disa drejtuesve të Inter dhe vëllait dhe agjentit të Emiliano ‘Dibu’ Martinez, portierit argjentinas të Aston Villa, i cili fitoi Kupën e Botës me Argjentinën.
The post Sommer mesazh Inter për të ardhmen, klubi ka gati 3 kandidatë për ta zëvendësuar, dy vijnë nga Premier appeared first on Telesport.
