Milan Skriniar mund të luajë në të ardhmen me skuadreën emrin e të cilit ai mban: Milan. Aktualisht pjesë e Fenerbahce, në të shkuarën ai ka luajtur me skuadrën e Inter dhe kalimi te kuqezinjtë do të ishte një “tradhëti”.
“Nuk kam folur kurrë me Milan, nuk kam pasur kurrë kontakt me klubin. Edhe agjenti im nuk dinte asgjë për këtë, por asgjë nuk është e pamundur. Kurrë mos thuaj kurrë. Le të shohim se çfarë ndodh”, tha Skriniar.
Më tej, sllovaku shtoi: “Kam një kontratë katërvjeçare me Fenerbahçe dhe jam i lumtur këtu. Njerëzit më duan dhe tifozët janë të mrekullueshëm. Gjithashtu kam një marrëdhënie të mirë me klubin. Kam rifituar qëndrueshmërinë dhe jam i lumtur”.
“Jam përmirësuar në aspektin e performancës dhe dua të vazhdoj. Jam 30 vjeç, koha fluturon shumë shpejt. Sot të gjithë duan lojtarë më të rinj. Le të shohim se çfarë ndodh, por jam shumë i lumtur në Stamboll dhe ende dua të bëj shumë këtu”, tha Skriniar.
The post Skriniar “tradhëton” Inter dhe i “shkel syrin” Milan: Asnjë kontakt, por kurrë mos thuaj kurrë appeared first on Telesport.
