Në Austri u zbulua një skandal i tmerrshëm. Një ish-arbitër i elitës zvicerane filmoi fshehurazi futbollistet e ekipit të femrave të Altach në dhomën e zhveshjes dhe në dush. Përveç tronditjes së veprimit në fjalë, kjo gjë solli edhe dënimin e mëkatarit: 7 muaj burg me kusht dhe gjobë prej 13.000 kronash.
Eleni Rittmann, 25 vjeçe, që luante tek Altach në kohën e skandalit, shprehu zhgënjimin për butësinë e drejtësisë. “A do t’i ndalojë ky dënim të tjerët të bëjnë të njëjtën gjë? – pyeti avokatia e saj në Instagram, sipas “Blick”. – Imagjino të shkosh në dhomën e zhveshjes pas stërvitjes, të bësh dush me shoqet dhe pastaj të zbulohet që je filmuar e fotografuar”.
Rittmann, që tani luan te Thonon Evian në Francë, tregon se e para që bëri aty ishte të kontrollonte nëse kishte kamera në dhomën e zhveshjes. “Diçka e tillë më la pa fjalë. Pse ndodhin ende këto gjëra në sport, veçanërisht te femrat? Shpesh viktimat këshillohen të heshtin. Kjo më ndodhi edhe mua”, – deklaroi ajo.
The post Skandal në Austri. Ish-arbitri filmoi futbollistet e Altach në dush, por ka diçka edhe më të keqe… appeared first on Telesport.
