Sjellja e çuditshme e Justin Bieberit në muajt e fundit i ka shqetësuar fansat, të cilët po shkruajnë për shëndetin e tij mendor.
Këngëtari 31-vjeçar shkroi në Instagram të martën, më 10 qershor, pasi një fans ndau një mesazh që kishte me gjyshin e tij për të.
“Jam i shqetësuar për Justin Bieberin”, shkroi gjyshi i personit.
Megjithatë, Bieber iu kundërpërgjigj me një përgjigje të ashpër.
“Kujdesu për veten, gjysh”, shkroi këngëtari.
Përgjigja surprizuese e Bieber vjen ndërsa fansat janë gjithnjë e më të shqetësuar për shëndetin e tij mendor pas një serie postimesh të çuditshme që ai ndau në rrjetet sociale.
Fansat i janë lutur atij që të “kërkojë ndihmë” për shkak të shqetësimeve të tyre të vazhdueshme.
“Të lutem kërko ndihmë”, shkroi një person pasi ai ndau një seri selfie-sh të çuditshme të shtunën.
“Kaq e vështirë dhe e trishtueshme për t’u parë” dhe “Pse njerëzit përreth tij nuk po e ndihmojnë kur është e qartë se po vuan?”, kanë qenë disa nga komentet.
