Gjatë konferencës për shtyp pas ndeshjes, trajneri i Atletico Madridit, Diego Simeone, vlerësoi sulmuesin e Barcelonës, Raphinha: “Raphinha luan çdo ndeshje. Shënon, bën presion…, nuk e di si nuk e ka fituar ‘Topin e Artë’.
Dëmtimi i Cardoso na detyroi ta ndryshonim pak formacionin. Kishim pritshmëri të mëdha për Johny, por ai pësoi atë dëmtim që e largoi nga loja. Nga Julián Alvarez presim gjithmonë më shumë. Ai është një lojtar që ndryshon fatet e ndeshjes, është lojtari më i rëndësishëm i ekipit tonë.
Jam i sigurt se do të shfaqet i plotë në ndeshjen e ardhshme. Në përgjithësi skuadra luajti mirë, ndihem shumë i qetë dhe i kënaqur. Humbëm kundër një kundërshtari të madh, këto gjëra të ndihmojnë të përmirësohesh.
Tani na pret një ndeshje tjetër e vështirë në Bilbao. Barrios është lojtar ndryshe; i ri, energjik, teknik, me rikuperim të mirë dhe qarkullim topi. Duhet të kujdesemi për të, sepse është një nga lojtarët më të rëndësishëm të mesfushës”.
The post Simeone “shenjtëron” Raphinha: Nuk e di si nuk e ka fituar “Topin e Artë” appeared first on Telesport.
