Barcelona është në pritje për të prezantuar përforcimin e saj të dytë të verës, Marcus Rashford, në formë huazimi me të drejtë blerjeje, por jo detyrim. Sulmuesi vjen nga Manchester United me synimin për të forcuar repartin ofensiv katalanas, pas refuzimeve nga Nico Williams dhe Luis Díaz, me shumë dëshirë për të nisur të shënojë si blaugrana.
Megjithatë, disa tifozë nuk janë ende të bindur për përshtatshmërinë e tij në një dhomë zhveshjeje kaq të re në moshë, pasi një lojtar i këtij niveli nuk ka arritur të gjejë vendin e vet as te Manchester United, klubi që zotëron kartonin e tij, as tek Aston Villa, ku shënoi 6 gola në pak ndeshje, në fundin e sezonit të kaluar.
Edhe pse nuk është një lojtar i prirur për tituj skandalozë, gjatë sezonit 2023-2024 klubi e gjobiti pasi u bë publik fakti se ishte në një festë, ku u deh plotësisht pas 12 orësh me tekila, sipas të përditshmes britanike “Mirror”.
Kush është e dashura e Rashford?
Sa i përket jetës sentimentale, Rashford aktualisht është beqar. Megjithatë, deri para dy vitesh kishte një lidhje me “të dashurën e fëmijërisë”, Lucia Loi, një vajzë që e njihte që nga mosha e vogël. Marrëdhënia e tyre ishte aq serioze saqë i propozoi për martesë në maj 2022, pas 9 vitesh lidhje me ulje-ngritje, por përfundimisht u ndanë në vitin 2023.
Pas ndarjes, nisën spekulimet për atë që mund të ishte e dashura e re e Rashford. Fillimisht u përfol për një vajzë franceze, por lidhja përfundoi pas një debati të fortë në një hotel.
Më pas, Rashford u lidh me Grace Rosa Jackson, një ish-konkurrente e reality show-t britanik “Love Island”. Mediat britanike raportuan se “kishin pasur shumë takime gjatë javëve të fundit”, çka u lidh edhe me përmirësimin e formës së Rashford në fushë.
Në vitin 2024, tabloidi “The Sun” e lidhi gjithashtu me modelen kolumbiane, që jeton në Angli, Érica Alejandra Correa, pas takimit në një bar ekskluziv në Manchester. Më vonë, Rashford u pa edhe me një vajzë tjetër gjatë pushimeve të verës në Saint-Tropez.
Pasuria e grumbulluar
Një tjetër temë interesante nga jeta private e lojtarit të ri të Barcelonës është pasuria e tij. Për të kaluar te Barça, Rashford do të pranojë ulje page, të cilën klubi katalanas do ta mbulojë të plotë, por gjatë karrierës së tij ka pasur kohë të mjaftueshme për të ndërtuar një pasuri të konsiderueshme.
Te Manchester United ai paguhej 18 milionë euro në sezon, duke qenë ndër më të paguarit e ekipit. Te Barcelona do të marrë rreth 15% më pak, rreth 14 milionë euro, por në total pasuria e tij vlerësohet në 64 milionë paund (rreth 75 milionë euro), sipas “Mirror”.
Megjithatë, kjo pasuri nuk është fituar vetëm nga futbolli. Përveç pagës së lartë, Rashford ka edhe kontrata sponsorizimi me marka si Nike, BT Sport, Microsoft dhe Burberry (ku ka shërbyer si model për koleksione të veçanta).
Uria tek fëmijët dhe racizmi, dy betejat e mëdha të tij
Pas pandemisë së COVID-19, Rashford fitoi zemrat e tifozëve anglezë. Në vitin 2021, ai ndërmori një fushatë për të ndihmuar njerëzit në nevojë dhe arriti të mblidhte 20 milionë paund për t’iu siguruar fëmijëve në shkolla ushqim falas.
Më parë, në vitin 2019, ai ishte angazhuar në fushatën “In the Box”, për të shpërndarë ushqime për të pastrehët gjatë Krishtlindjeve, bashkë me nënën e tij. Madje dërgoi ndihma edhe në Shën Kristofor (Saint Kitts), një ishull në Karaibe.
Rashford kontaktoi edhe qeverinë britanike për të kërkuar zgjidhje ndaj varfërisë dhe urisë te fëmijët. Kjo bëri që t’i dedikohej një mural me portretin e tij dhe mbishkrimin: “Ji krenar që lufta jote do të luajë rolin më të madh në qëllimin tënd”.
Rashford është gjithashtu i angazhuar fort kundër racizmit, veçanërisht pas ofendimeve që mori pas penalltisë së humbur në finalen e “Euro 2020” kundër Italisë. “Mund të pranoj kritika për performancën time në turne, penalltia ime nuk ishte e mirë, topi duhej të kishte hyrë në rrjetë, por kurrë nuk do të kërkoj ndjesë për atë që jam dhe nga vij”, – tha ai asokohe.
The post Si është Rashford në jetën private: E dashura, pasuria dhe betejat sociale të përforcimit më të ri të Barcelonës appeared first on Telesport.
