Sipas Politico-s, Presidenti Trump i ka thënë rrethit të tij të ngushtë se manjati miliarder do të largohet nga roli i tij në qeveri në javët e ardhshme.
Një raportim që pretendon se Elon Musk do të largohet “së shpejti” nga roli i tij në Departamentin e Efikasitetit të Qeverisë (DOGE) është kthyer në një temë bisede në Shtëpinë e Bardhë.
Sipas Politico-s, Presidenti Trump i ka thënë rrethit të tij të ngushtë se manjati miliarder do të largohet nga roli i tij në qeveri në javët e ardhshme.
Shtëpia e Bardhë i quajti raportimet “gjepura”, në një kohë kur sekretarja e shtypit, Karoline Leavitt tha në X se Musk “do të largohet kur puna e tij të përfundojë”, megjithëse ajo nuk specifikoi një afat kohor.
Kohëzgjatja e punës së Musk me të ashtuquajturin Departamenti i Efikasitetit të Qeverisë – ku ai ka mbikëqyrur shkurtimet gjithëpërfshirëse në të gjithë qeverinë amerikane – nuk është bërë kurrë e qartë.
Ai klasifikohet si “punonjës i posaçëm i qeverisë”, që do ta kufizonte shërbimin e tij në 130 ditë në vit.
Në një intervistë të fundit me Fox News, Musk tha se ai beson se DOGE “do të ketë kryer pjesën më të madhe të punës së kërkuar” brenda atij afati kohor 130-ditor.
