“Shok, me siguri nesër përfundon”, ishte mesazhi që Naim Muresli ia kishte dërguar Granit Plavës, një natë para vrasjes së Liridona Ademajt.
Në Gjykatën Themelore të Prishtinës po vazhdon seanca në rastin e vrasjes së Liridona Ademajt, për të cilën i dyshuari kryesor është bashkëshorti i saj, Naim Murseli.
Gjatë kësaj seance u zbulua mesazhi që Naim Murseli ia dërgoi Granit Plavës një natë para vrasjes.
“Më 28 nëntor të vitit 2023, në orën 19:41, i keni dërguar mesazh Granitit me përmbajtjen ‘shok, me siguri nesër përfundon’, tha prokurorja.
Ndërsa Murseli deklaroi se nuk i kujtohet ta ketë dërguar këtë mesazh.
Sipas ekspertizës së telefonave të Kushtrim Kokallës dhe Granit Plavës, Naim Murseli në 10 ditët e fundit para vrasjes së bashkëshortes së tij, Liridona Ademajt, kishte komunikuar rregullisht me Granit Plavën.
“Telefoni i Granitit na ka vërtetuar që 10 ditët e fundit para vrasjes keni komunikuar rregullisht me Granit Plavën”, u tha gjatë seancës në Gjykatën Themelore të Prishtinës.
