Sipas Shoigut, luftimi i kësaj është bërë një nga qëllimet kryesore të të ashtuquajturit “operacion special ushtarak”.
Ministri rus i Mbrojtjes, Sergey Shoigu, deklaroi se Rusia duhet të bëjë gjithçka që është e mundur për të mposhtur “nazizmin që po ringjallet në Perëndim”.
Sipas Shoigut, luftimi i kësaj është bërë një nga qëllimet kryesore të të ashtuquajturit “operacion special ushtarak”.
“Perëndimi kolektiv synon t’i shkaktojë një disfatë strategjike Rusisë. Për ta arritur këtë, agjencitë perëndimore të inteligjencës po kryejnë aktivitete subversive në shkallë të gjerë kundër vendit tonë”, pohoi Shoigu.
Ai gjithashtu shkroi se sanksione ekonomike “të pashembullta” po vendosen në një përpjekje për të nxitur ndjenja proteste midis popullsisë ruse.
Presidenti rus Vladimir Putin ka thënë më 4 maj se Moska ka “forcën dhe mjetet” për ta çuar luftën ndaj Ukrainës në një “përfundim logjik”.
Komentet e tij në një intervistë me median shtetërore ruse vijnë ndërsa përpjekjet ndërkombëtare për të ndaluar armiqësitë në Ukrainë kanë pasur sukses të kufizuar, më shumë se tre vjet pasi Putin-i nisi pushtimin e tij në shkallë të plotë.
“Ne kemi forcë dhe mjete të mjaftueshme për ta çuar atë që filloi në vitin 2022 në një përfundim logjik me rezultatin që kërkon Rusia”, mësohet se ka thënë Putin.
Në intervistë, Putin raportohet nga Politico se ka thënë se nuk do të kishte “nevojë” për të përdorur armë bërthamore në konfliktin e Ukrainës.
Duke iu përgjigjur një pyetjeje në lidhje me sulmet e Ukrainës ndaj Rusisë, ai ka thënë se “nuk ka pasur nevojë për të përdorur ato armë [bërthamore] dhe shpresoj se nuk do të jenë të nevojshme”.
Në nëntor, Putin nënshkroi një version të ripërpunuar të doktrinës bërthamore të Rusisë, e cila përcaktonte rrethanat në të cilat ai do të përdorte arsenalin e tij atomik, më të madhin në botë.
Dokumenti uli pragun për një sulm bërthamor në përgjigje të një game më të gjerë sulmesh konvencionale.
