Lamine Yamal rinovoi për Barcelonën deri në vitin 2031 dhe si shenjë besimi ndaj tij, klubi i dha fanellën me numrin 10, një fanellë e rëndësishme, duke ditur emrat që e kanë mbajtur veshur atë dhe historinë që kanë shkruar si Rivaldo, Ronaldinho apo dhe Leo Messi, që qëndron mbi të gjithë.
Nga shitja e fanellës të re të Lamine Yamal me numrin 10, sipas mediave vendase Barcelona ka fituar deri tani të paktën 10 milionë euro, por që ditët në vijim kjo shifër do rritet më shumë.
Vetëm në 48 orë, janë shitur mbi 700 mijë fanella të Lamine Yamal me numrin 10 në mbi 170 vende të ndryshme të botës. Përveç dhënies së numrit 10-të, me rinovimin e kontratës së re është rritur ndjeshëm edhe rroga e Lamine Yamal si dhe janë përfshirë në të bonuse të ndryshme.
Edhe pse është vetëm 18 vjeç, Lamine Yamal po shndërrohet në një fenomen të ri jo vetëm në fushën e lojës, por dhe në marketingun e klubit, me pak fjalë një burim i madh të ardhurash.
The post Shifra rekord! Barcelona “mbush arkën” nga shitja e fanellave të Yamal, për 48 orë janë shitur mbi 700 mijë appeared first on Telesport.
