Drejtoresha e Inteligjencës Kombëtare të SHBA-së, Tulsi Gabbard, zbuloi aksidentalisht emrin e një oficere të fshehtë të CIA-s që punonte si eksperte për Rusinë.
Ajo e përfshiu emrin e agjentes në një listë prej 37 zyrtarësh të cilëve u është hequr qasja në informacionin e klasifikuar për kontributin në raportet mbi ndërhyrjen ruse në zgjedhje dhe thirrjet për shkarkimin e Trumpit, shkruajnë mediat e huaja.
Publikimi nuk ishte i koordinuar me CIA-n, duke shkaktuar një konflikt me drejtorin e agjencisë John Ratcliffe.
Sipas Wall Street Journal, Gabbard nuk e dinte që oficerja po punonte e fshehtë.
Incidenti ka rritur tensionet midis Gabbard dhe Ratcliffe.
Zhvillimi mund të përkeqësojë më tej marrëdhëniet midis shefit të inteligjencës kombëtare dhe CIA-s pas një përplasjeje mbi deklasifikimin e një dokumenti në lidhje me ndikimin rus në zgjedhjet e vitit 2016.
The post Shefja e Inteligjencës Kombëtare të SHBA-së zbulon aksidentalisht emrin e një agjente të fshehtë të CIA-s appeared first on Kosovapost.net.
