Administrata e ish-presidentit Donald Trump po shqyrton mundësinë e arritjes së marrëveshjeve me disa shtete për të pranuar migrantët e dëbuar nga ShBA-ja, sipas një raportimi të “Wall Street Journal”.
Ndër vendet me të cilat po zhvillohen bisedime është edhe Kosova, krahas shteteve të tjera në Afrikë, Azi dhe Evropën Lindore, përfshirë Moldavinë.
“Ndër vendet që ShBA-ja ka kërkuar të pranojnë migrantët e dëbuar janë Libia, Ruanda, Benini, Eswatini, Moldavia, Mongolia dhe Kosova”.
Administrata amerikane shpreson se këto vende do të bien dakord, ndoshta në këmbim të marrëveshjeve financiare ose përfitimeve politike,” shkruan WSJ, duke cituar burime të afërta me këtë proces.
Si model për këtë qasje po përdoret një marrëveshje e arritur me Panamanë në shkurt, sipas së cilës ShBA-ja dërgoi një avion me mbi 100 emigrantë, kryesisht nga Lindja e Mesme, në këtë shtet të Amerikës Qendrore.
Mbetet e paqartë nëse Kosova dhe vendet e tjera të listuara do të pranojnë kushtet e propozuara nga administrata amerikane.
