Pas 13 javësh, me 7 skuadra brenda 5 pikëve dhe me “surprizat” si Bologna e Como, Serie A duket e hapur si rrallë herë. Antagonizimi është i lartë, por në fushë mungon argëtimi. Krahasimet me ndeshje si Chelsea–Arsenal e bëjnë edhe më të dukshme diferencën me sfidat italiane si Roma–Napoli apo derbi i Milanos. Futbolli italian nuk ka shkëlqyer kurrë për intensitet dhe ide sulmuese, teksa sot problemet janë më të rënda: lojë e ndërprerë vazhdimisht, simulime të tepërta dhe frikë për gabime që sjellin procese mediatike.
Skuadrat luajnë pothuajse vetëm në dy mënyra: presion një kundër një në gjithë fushën, ose mbrojtje e ulët duke bllokuar qendrën, me mbrojtje prej pesë vetash që shpesh pasqyrojnë njëra-tjetrën. Faza sulmuese reduktohet në topa të gjatë pas mbrojtjes, ose qarkullim i pafund topi ndaj blloqeve të ulëta.
Sezonin e kaluar përjashtim ishte Inzaghi, por tani as Interi nuk është aq i sofistikuar. Milani, përkundrazi, po sjell ide të reja me lëvizje fluide në ndërtim. Më jashtë skemave të zakonshme del Como e Fabregas, vetëm 4 pikë larg kreut, me futboll teknik, lëvizje dinamike dhe zgjidhje të shumta sulmuese. Njëfarë futbolli ndërkombëtar në tokën e Serie A.
The post Serie A pa “komandant”. Në krye 7 skuadra brenda 5 pikëve, por mungon spektakli appeared first on Telesport.
