Mohamed Salah nuk luajti asnjë minutë në barazimin dramatik sot të Liverpool në transfertën ndaj Leeds. Pas ndeshjes, në një intervistë për TV 2 Sport, Mohamed Salah, ka reaguar për herë të parë për këtë situatë të javëve të fundit, ku ai po “ngroh” stolin, pasi nuk preferohet më nga trajneri Arne Slot.
“Nuk është e pranueshme për mua. Nuk e di pse po më ndodh kjo mua. Nuk e kuptoj. Kam bërë kaq shumë për këtë klub. Nuk kam pse të luftoj çdo ditë për pozicionin tim sepse e kam merituar. Nuk jam më i madh se askush, por nuk e meritoj këtë trajtim”, tha Salah.
Kohët e fundit është përfolur shumë për një largim të mundshëm të egjiptianit që në merkaton e janarit. Destinacioni i ri me shumë mundësi pritet të jetë Arabia Saudite.
The post Salah nuk duron dot më të rrijë në stol dhe ngre zërin pas barazimit dramatik ndaj Leeds appeared first on Telesport.
