Vetëm në javët e fundit janë regjistruar disa incidente në vendpunishte gjithandej Kosovës. E gjithë kjo vlerësohet se ndodhë për shkak se nuk respektohen kushtet e vendosura në lejet e ndërtimit.
Rrëzimi i vinçit në një vendpunishte në Prishtinë disa ditë më parë, ngriti alarmin për sigurinë e ndërtimit në kryeqytet.
Kësisoj, po kërkohet inspektim më i shtuar në këtë fushë.
Probleme të tilla e kanë përcjellë vazhdimisht Prishtinën, tregon për Tëvë1 Lulzim Fushtica, drejtor për siguri dhe emergjenca në kryeqytet.
“Kjo është një problematik që e përcjell kryeqytetin edhe më herët, kryeqyteti në çdo anë është duke u ndërtuat kemi ndërtime të larta në të gjitha pjesët e kryeqyteti në rrugën A, në rrugën B, në Lagjen e Spitalit në Emshir në të gjitha pjesët e kryeqytetit. Ne edhe më herët kemi pas inspektime, por këto inspektime duhet të kemi të qartë që behën nga inspeksioni i ndërtimit të cilët janë të obliguar që të bëjnë inspektimin dhe të bëjnë edhe inspektimin e masave mbrojtëse dhe masave të sigurisë që janë të obliguar ndërtuesit kur merret leja dh përgatitet dhe plani i sigurisë”, tha Fushtica.
Mungesa e përmbushjes së kushteve që janë të parapa në lejet e ndërtimit, sipas Fushticës shpien në incidente të tilla si ai i rrëzimit të vinçit në rrugën A.
“Vinçat si të tillë, pra janë pjesë e lejes për ndërtim kur ipet dhe janë parametra të caktuar të sigurisë të cilët pronarët ndërtuesit, kontraktuesit duhet të i përmbahen asaj. Në shumicën e rasteve duke mos iu përmbajtut e mos i përmbush standardet minimale që janë ta parapara me leje duke përfshirë edhe vinçin”, tha ail
Edhe kryetari i odës së inxhiniereve të Kosovës, thotë se shpesh herë inspektimi është i pa mundur për shkak numrit të vogël të inspektorëve.
“Është obligative mbikëqyrja inspektuese nëpër ndërtime me ligj të ndërtimit, është e paraparë që çdo ndërtues me pas të kontraktuar kompani mbikëqyrëse të pavarur për me i mbikëqyr punimet. Përveç mbikëqyrjes është e paraparë që edhe inspektorati me bo inspektime, çdo ndërtues duhet me bë kërkesën për inspektim gjatë hapave. Mirëpo, shpesh herë kjo është vështirë e realizueshme”, tha Arsim Rapuca.
Ndër tjerash Rapuca, tregoi se përkundër disa incidenteve, cilësia e ndërtimeve në Kosovë është duke u rritur.
“Në përgjithësi krahasuar me vitet e mëparshme ka ngritje. Gjithmonë vazhdon ngritja e cilësisë për shkak edhe të konkurrencës. Çdo herë kur rritet konkurrenca ka cilësi, por edhe vetëdija e njerëzve në përgjithësi edhe e profesionistëve shkon duke u ngritë. Gjithashtu edhe institucionet vazhdimisht i përforcojë rregullat edhe ligjet të cilat duhet të respektohen”, tregoi ai.
Në kryeqytet, mirëpo edhe në pjesë të tjera të Kosovës, viteve të fundit ka ndërtime të shumta të objekteve banesore.
