Sekretari amerikan i Shtetit, Marco Rubio, u takua në Panama të dielën me presidentin, José Raul Mulino, në fazën e parë të udhëtimit të tij të parë zyrtar jashtë shtetit si kryediplomati i vendit.
Axios raporton se Sekretari amerikan i Shtetit, Marco Rubio i paraqiti Presidentit të Panamasë, José Raul Mulino, një ultimatum.
Në të thuhet se nëse Panama nuk ndërmerr “veprime të menjëhershme” për të hequr ndikimin kinez nga Kanali i Panamasë” atëherë Shtetet e Bashkuara do të marrin masat e nevojshme për të mbrojtur të drejtat e saj sipas Traktateve Torrijos-Carter”.
Sekretari amerikan i Shtetit, Marco Rubio, u takua në Panama të dielën me presidentin, José Raul Mulino, në fazën e parë të udhëtimit të tij të parë zyrtar jashtë shtetit si kryediplomati i vendit.
Udhëtimi i Rubios do ta çojë gjithashtu në El Salvador, Kosta Rika, Guatemalë dhe Republikën Domenikane.
Ai do të përfshijë bisedime me presidentin Salvadoran Nayib Bukele, Presidentin e Kosta Rikës Rodrigo Chaves, Presidentin e Guatemalës Bernardo Arévalo dhe Presidentin Domenikane Luis Abinader.
Kjo shënon herën e parë në më shumë se 100 vjet që vizita e parë zyrtare e një Sekretari të Shtetit jashtë vendit është në Amerikën Latine, sipas të dërguarit të posaçëm të SHBA për Amerikën Latine, Mauricio Claver-Carone.
