Rrahje masive mes katër të miturve, njëri nga ta therret me thikë

Katër të mitur janë arrestuar të cilët për shkaqe ende të panjohura ishin përfshirë në rrahje dhe njëri prej tyre është therë me thikë.

Në raportin 24 orësh të Policisë së Kosovës, rasti ka ndodhur të premten rreth orës 21:06 në rrugën “Radovan Zogoviq”, në Prishtinë.

Tutje bëhet e ditur se i lënduari është dërguar në QKUK për tretman mjekësor nga i cili njësiti policor ka sekuestruar një thikë.

“Janë arrestuar katër të dyshuar të mitur meshkuj kosovarë të cilët për shkaqe ende të panjohura ishin përfshi në rrahje dhe njëri prej tyre është therë me thikë. I lënduari është dërguar në QKUK për tretman mjekësor nga i cili njësiti policor ka sekuestruar një thikë”, thuhet në njoftim.

Po ashtu bëhet e ditur se njësitet policore kanë dalë në vendin e ngjarjes dhe po hetojnë rastin.

“Me vendim të prokurorit i dyshuari i cili dyshohet ta ketë therë tjetrin është dërguar në mbajtje, kurse të tjerët janë liruar në procedurë të rregullt”, thuhet në njoftim të policisë.

Related Posts