Megjithëse Anglia ka fituar tri ndeshjet e para zyrtare nën drejtimin e Thomas Tuchel, 2-0 ndaj Shqipërisë, 3-0 ndaj Letonisë dhe 1-0 ndaj Andorrës, kritikat nuk mungojnë. Në ndihmë të gjermanit vjen Wayne Rooney: “Mendoj se Tuchel është trajner i nivelit të lartë. Ndoshta është pak i zemëruar për mënyrën si ka luajtur Anglia, tri ndeshjet kualifikuese në grup janë thjesht pa kuptim”.
Ai shtoi: “Kur hyn në fushë, e di që Anglia do të fitojë. Janë 10 lojtarë pas topit dhe duhet të thyesh ‘murin’, gjë që nuk është e lehtë kundër asnjë ekipi. Tani të shohësh Anglinë dhe disa ndeshje në grupin kualifikues të Botërorit, kur e di që do të fitojë, mund të jetë pak e mërzitshme”.
Rooney përfundoi: “Më vjen keq për Tuchel, ndoshta dëshiron një ndeshje më të hapur për të treguar aftësitë e tij. Kundër ekipeve më të forta do ta ketë mundësinë. Do të bëjë mirë në stolin e Anglisë. Nëse do ta fitojmë Botërorin? Nuk i dihet, shansin do ta ketë një kombëtare e vetme”.
The post Rooney mbron Tuchel: Trajner i nivelit të lartë, por ndeshjet në grup i ka pa kuptim appeared first on Telesport.
