Cristiano Ronaldo nuk resht kurrë së habituri veten dhe miliona tifozë në mbarë botën. Në moshën 40-vjeçare, edhe pse është larguar nga futbolli europian, ai vazhdon të thyejë rekorde me fanellën e Al-Nassr dhe me ngjyrat e kombëtares portugeze, të cilën e ka udhëhequr sërish drejt Kupës së Botës me gola dhe aksione prej fenomeni.
Eksplodimi dhe progresioni nuk janë më ato të kohëve të Manchesterit dhe Madridit, por fiziku statujë i CR7 nuk vihet në diskutim. Rrjetet sociale e konfirmojnë edhe një herë. Në to u shpalos e gjithë krenaria e Cristiano Ronaldos për t’i treguar botës së internetit një trup të ndërtuar me mund dhe djersë, edhe në prag të 41-vjetorit të tij, që bie 5 shkurtin e ardhshëm.
Një “makineri” golash e farkëtuar me kalimin e kohës, me mentalitet, përkushtim, stërvitje specifike dhe “pushim aktiv”, mes krioterapisë dhe ushtrimeve në palestër për të parandaluar dëmtimet. Dhe rezultati është publikuar në kanalet e tij zyrtare në rrjetet sociale, mëngjesin e së premtes, 19 dhjetor: trup ende i tonifikuar, muskuj kudo dhe shikim i drejtuar nga rekordi i radhës.
Fotoja është tashmë “virale”, duke marrë mbi një milion pëlqime vetëm në Instagram për më pak se 30 minuta, ndërsa në komente përsëritet shpesh “the goat” (“më i miri i të gjitha kohërave”), në sfondin e përhershëm të krahasimit me rivalin Leo Messi.
The post Ronaldo dhe fotoja pas saunës, rrjetet sociale “çmenden” me trupin prej statuje të 40-vjeçarit appeared first on Telesport.
