Në Brazil ka shpërthyer polemika për “përjashtimin” e Neymar nga kombëtarja, me Romarion që kritikon hapur trajnerin Carlo Ancelotti. “Kombëtarja është për më të mirët dhe më të talentuarit, – deklaroi ish-kampioni i botës, duke theksuar se, siç raportojnë mediat kryesore braziliane, – një lojtar si Neymar duhet të grumbullohet edhe pa qenë në formën maksimale”.
Trajneri italian ka mbajtur një linjë të rreptë; sulmuesi do të merret në konsideratë vetëm nëse është 100% fizikisht, pas problemeve në gju që kanë ndikuar në paraqitjet e tij muajt e fundit. I rikthyer te Santosi, Neymar është ende në fazë rikuperimi. Fjalët e Romarios kanë rindezur debatin në prag të Botërorit 2026, me shumë tifozë që e konsiderojnë ende numrin 10 potencialisht vendimtar për Seleçãon.
Edhe pse siguron se do ta mbështesë ekipin gjithsesi, ish-sulmuesi theksoi se dëshiron ta shohë Neymar në fushë në Botërorin e ardhshëm, duke përfunduar me një kritikë të drejtpërdrejtë për Ancelotti: “Kini kujdes, zotëri! Një kampion duhet të luajë”.
The post Romario sulmon Ancelottin: Kini kujdes, zotëri! Një kampion si Neymar duhet në kombëtare appeared first on Telesport.
