Këngëtarja shqiptare me famë botërore, Rita Ora, ka ndarë me ndjekësit e saj momente të veçanta nga një mbrëmje e paharrueshme në koncertin e Beyonce.
Përmes një postimi në InstaStory, Rita ka publikuar disa fotografi nga performanca madhështore e yllit të muzikës botërore, duke e cilësuar si një “date night” të veçantë me “dy të dashurit e saj” – Beyonce dhe bashkëshortin e saj, regjisorin e njohur Taika Waititi.
Në njërën nga fotografitë, 34-vjeçarja shqiptare shihet shumë e afërt me Taikën, ndërsa çifti pozon i përqafuar në tribunën VIP të koncertit, me një skenografi mbresëlënëse në sfond dhe qindra fansa të pranishëm në sallë.
Me një buzëqeshje të ngrohtë dhe stil të veçantë, Rita rrezaton lumturi dhe dashuri, ndërsa koncerti i Beyonce duket se u ka lënë shumë përshtypje.
Rita Ora është e njohur për marrëdhëniet e saj të mira me artistët më të mëdhenj ndërkombëtarë, dhe ndjekja e një koncerti të tillë i shton më shumë nuanca jetës së saj dinamike dhe plot energji artistike.
